老豆叫我透下之后就系我房门口离开。
由老豆出现系我房门口到离开都只系短短几秒钟噶野，但系我觉得好似过左几个世纪咁耐，周围D空气仿佛再次停顿，我又再无力咁瞓系块地度，脑筋好实，谂野好乱，已经断晒片，我feel到我噶灵魂好似想系我头顶飘出嚟咁，额头D血管系咁跳下跳下，好似奔腾一样，我宜家真系好有冲动爬入隔离教育局搵返自己D试卷出嚟改返晒D正确答案，虽然呢个系根本无可能，而后嚟我先知，原来D试卷系送去市教育局，唔系区教育局，damn。
就系咁，我做左高考下噶亡魂，呢种仆街噶感觉真系好仆街。
我之前谂过噶一百几种解释点解会考成咁噶九样，但系到最后我都无办法对老豆阿妈讲出嚟，根本完全过唔到自己个关，我讲唔出呢一个个噶藉口，讲到尾我就系唔识，一开始无好好读书，到最后一个九样。
我屋企好普通，普通到好似电影入边D路人甲家庭，老豆阿妈都唔系乜嘢土豪，所以我唔系一个富二代，佢地都唔系公务员，所以我亦都唔系官二代，我地屋企环境当年只可以算系一般偏下，老豆只有初中学历，但系都好似威过下，我屋企本来系江门（中国第一侨乡啊，唔少野架），老豆系江门777电池厂噶职工，又到过韩国培训，又跟哈工大噶技术员学过技术，当时系电池厂算系储备干部，培训人才嚟架啦，就系佢啱啱升到车间主任个阵，佢就辞左工啦，点解？听讲系话佢同学游说佢去斗门，话会搵更多噶钱，大致系咁，之后，老豆就嚟左斗门发展，可惜，现实就系现实，现实边会咁美好啊。
后来有一次，我无意睇到老豆当年噶社保卡，1998年，个阵佢已经嚟左斗门好几年，但系社保卡印住噶工资系768蚊。
2006年，百物腾贵，可能加埋我D读书费用暴增噶关系，老豆同亲戚借左少少钱，同几个人合资开左间规模好细噶公司，毅然下海从商，一个四十几岁噶男人，由最先放弃左一份职工噶工作，再到放弃一份做左差唔多十年噶工作，放低面子，欠下钱债，去选择创业，去选择一个完全陌生噶行业。
到2009年，据我所知，老豆噶生意都仲系无乜大噶作为，但系我真系好佩服呢个男人，佩服佢个种敢于由零开始噶勇气，照咁样睇嚟，老豆唔单止曾经威过，其实佢一直都好威。
就系咁，我老豆由一个工作狂变成一个超级工作狂，仲记得啱啱开始噶头两年，真系起早贪晚，七点几就已经出门，晚黑普遍都系八九点先返屋企，有时候会更夜，虽然宜家都系。身为屋企噶顶梁柱，老豆识工作，会养家，但系佢就系唔会同我玩，应该话系唔识同我玩（呢个问题几严重架）。到左大个之后，都越嚟越少同老豆有野讲，佢有佢噶工作，我又已经习惯左，有时候我会谂，我会觉得，我好似同出边D人讲噶野比系屋企同老豆妈子讲噶野仲多，我真系觉得好无奈。
